政壇：伍潔鏇升呢港交所總監
原來伍潔鏇今個月初返新工，喺港交所做上市科總監。（資料圖片）
財經事務及庫務局前政治助理伍潔鏇離開政府後，最近有新動向。收到料佢原來過檔港交所做上市科總監，專責政策發展事宜，今個月初至正式返工。
原來伍潔鏇今個月初返新工，喺港交所做上市科總監。（資料圖片）
伍潔鏇喺香港同英國都有律師資格，啲市場人士成日話港交所上市科同證監會最多就係律師同會計師，所以佢喺上市科肯定駕輕就熟。
大家可能以為港交所上市科只係負責處埋新股上市申請，或者係上市後監管，其實呢兩個只係上市科最大組別，上市科仲設有好多team，好似會計事宜、政策及支援、上市營運同埋法規執行。而伍潔鏇今次加入上市科，就係屬於政策及支援嗰組。
自從前上市科主管狄勤思唔撈，新阿頭戴林瀚上場後，上市科有不少人事變動，好似新設上市科營運總監。依家保薦人監管有咁多新例出，唔知未來仲有無新人加入呢？
