雖然心態上已歸於平淡，但進出中環，劉公子仍然堅持悉心打扮。

「依家我喺超市見番入面食過嘅嘢，我都會驚；嗰啲貓魚連『忌廉哥』都唔食，所以我嗰時瘦到好似人乾咁！」

雖然心態上已歸於平淡，但進出中環，劉公子仍然堅持悉心打扮。

去年十月保釋上訴的劉公子，體形暴瘦，與服刑前判若兩人。

劉母知劉公子接受訪問，憂心忡忡來電，劉公子細心地報平安。

今年書展，三名男模一張「叩謝劉老闆」紙牌，令劉定成再度成為傳媒焦點。一年前，他被裁定非禮及恐嚇男藝人罪名成立，判監十七個月，獲保釋外出等待上訴結果的他，只祈求雨過天青，回歸平淡。暫離鐵窗生涯，他以歌曲《變色龍》歌詞「有日我若再回頭，笑望着人寰轉變」，道出其內心世界。步入「化境」的劉公子，未知前路如何，只求平靜度過每一天。

「睇見依家嘅陳振聰，就好似見番一年前嘅我！」去年飽受牢獄之苦的劉定成，不停以「同情」及「可憐」形容陳振聰。「我係過來人，佢行嘅路、食嘅嘢，甚至住嘅（監）倉，我全部都經歷過，又點會唔明。」牢獄生涯在劉公子心裏留下烙印，陳的事件勾起了他那不願回首的經歷，「依家我喺超市見番入面食過嘅嘢，我都會驚；嗰啲貓魚連『忌廉哥』都唔食，所以我嗰陣瘦到好似人乾咁！」

離開鐵窗生涯近十個月的劉公子精神已回復飽滿，仍舊喜歡戴時尚墨鏡，但滿頭斑白頭髮顯得格外搶眼，當發現記者注視其頭髮時，他不自覺地整理髮端，輕鬆回應：「我好耐無染髮啦，因為平時都唔需要見人，生活盡量低調就可以。」

相對以前的劉公子，經常游走中環名店，緊貼最新潮流，與各名店店員熟絡非常。現時劉公子幾乎「絕迹中環」，每以簡單為主，早上看報紙，下午到附近食飯，晚上回家讀聖經，生活淡如開水。

「以前身在福中不知福，但入過『社會大學』，終於明白幸福非必然。」回想獄中生活，劉感到有如來回地獄。「依家我只係想珍惜一切，其他人點樣諗，借我上位又好、講是非又好，我都控制唔到，何必擺在心呢？」若最終上訴失敗，需再嘗牢獄之苦，他亦惟有面對，「盡咗力都被判有罪，我只好以平常心面對最差嘅結果。」

步入「化境」的劉公子，自覺這兩年間仿似由幼兒園擢升至博士畢業，「每個人成長都需要經歷，不過我嘅經歷實在太痛、太刻骨銘心！」他坦言，面對逆境惟有自己才可幫到自己。「就算其他人喺身邊講幾多安慰說話，都比不上心態嘅轉變，惟有咁，先會真正睇得開、睇得化。」

上訴結果一日未公布，劉公子仍如置身茫茫大海，「其實我差唔多見到岸，希望可以順利上岸，過番正常人嘅生活，尋找生存嘅空間。」他默默地前游，只怕無情大海翻起巨浪，將他捲回無助之中。