城中鏡：張一鳴轉行盼止蝕重來
張一鳴承認過去揀錯咗，止蝕才能重新起步。（資料圖片）
俗語話男怕入錯行，女怕嫁錯郎。香港基金界猛人張一鳴（Derek）最近坦認過去兩年創業做芬佬（基金經理）係揀錯咗，依家希望「止蝕」，重新起步。結果又有人笑佢，芬佬轉搞房託，得唔得o架？
張一鳴承認過去揀錯咗，止蝕才能重新起步。（資料圖片）
今年七月正式同自己有份創立嘅基金Neutron Pacific講拜拜，過檔做房託管理人嘅Derek話，唔覺得入新公司係要做酒店人，反而覺得係做資本管理。佢解釋，香港好多人都將房託同物業混為一談，以為房託係磚頭，但其實房託係金融產品就真。作為管理人，佢嘅目的係收租同埋保持增長。佢話八個月前完全唔識新公司個酒店品牌，但公司上年搵佢做上市顧問時，請佢試住旗下酒店，一住就當堂有「嘩！」一聲嘅感覺，果然賣花讚花香。
