城中鏡：陳仲尼讚妻有好基因傳囝囝
陳仲尼囝囝去英國參加合唱團比賽，太太區海倫專程陪同。（資料圖片）
全國青聯副主席陳仲尼（Rock）日前獨自出席一個活動，原來太太區海倫去咗英國。阿Rock透露，就讀拔萃男書院附屬小學嘅囝囝要去英國參加合唱團比賽，太太咪飛咗佢，陪囝囝出外比賽囉！
陳仲尼囝囝去英國參加合唱團比賽，太太區海倫專程陪同。（資料圖片）
阿Rock掩不住喜悅話，佢哋已經傳回捷報，囝囝嗰團喺兒童初級合唱組取得冠軍，真係可喜可賀！囝囝咁有唱歌天分，阿Rock係咪好開心呢﹖佢笑笑口，好識做咁話囝囝識唱歌唔關佢事，係得到太太嘅好遺傳！太太隔洋聽到實冧晒。
