城中鏡：小吉山區濟貧暈浪都去
方黃吉雯暑假忙於到內地探訪偏遠山區，但仍樂在其中。
健康快車創會主席方黃吉雯（小吉）每逢暑假都好忙，因為佢要遷就一班善長放暑假，陪同探訪內地貧困地區。小吉啱啱先由廣西回港，嚟緊又再去青海同甘肅，真係少啲體力都唔掂。
方黃吉雯暑假忙於到內地探訪偏遠山區，但仍樂在其中。
小吉話，健康快車每年都有至少五、六個內地探訪團，即係平均每兩個月一次。雖然頻頻到訪貧窮山區、偏僻小村，但小吉話完全唔覺得辛苦，相反仲好享受，當佢見到白內障病人獲得醫治，尤其係幾歲就患病嘅小朋友，醫好眼疾後改善咗人生，令佢極為感動。
雖然樂於行善，小吉依然有樣嘢覺得辛苦，就係坐長途小巴喺崎嶇山路行走，真係坐到頭都暈。
