城中鏡：李德麟冧莊闔家慶賀
李德麟（左）及楊麟振（右）攜手搞好浙聯會，李父李和聲（中）鼎力支持。
匯聚本港浙江幫嘅浙江省同鄉會聯合會（浙聯會），早前舉行成立十五周年暨新一屆理事就職禮，浙聯會會長李德麟冧莊做多屆，近千名中港政商界好友齊送上祝賀。李德麟話浙聯會屬下已有八十幾個各級同鄉會，佢哋會凝聚同鄉嘅力量，喺香港社會事務中發揮積極作用。李德麟女兒李惟琤及兒子李惟宏都有到場，既賀父親，亦捧浙江幫盛事。
李德麟（左）及楊麟振（右）攜手搞好浙聯會，李父李和聲（中）鼎力支持。
浙江幫新生代輩出，包括安宇昭及太太金志芬（右二人），仲有李德麟兒子李惟宏及女兒李惟琤（左二人）。
浙江幫人才濟濟，當晚現身嘅有外號「撈底王」嘅李德麟爸爸李和聲、聲寶－樂聲（香港）創辦人李達三、「世界毛紡大王」曹光彪長子曹其鏞，仲有秘書長楊麟振、前全國政協副主席安子介孻孫安宇昭夫婦及青委主席麥超傑等人，律師陳清霞與「船王」包王剛長女包陪慶都有出席，仲喺席間密斟。
協成行董事總經理方文雄（David）亦有到賀，事關佢同李德麟都係中華總商會副會長。協成行擁有大量收租物業，近年租金暴漲，協成行進帳不少。
David話最近集團同藝術發展局合作，撥出旗下位於黃竹坑約一萬呎工廈，以低廉租金供青年藝術家實現理想，希望為後生仔打吓氣。
