SUN搞作：少膽虫手記：推波氣功
淫黎推內子幫佢頂，咁少膽虫都可以推番落班虫仔度嘅啫！虫仔心知，作嘢夠真，坐得一定甘，故此少膽虫返工之前，都會洗定八月十五，但由今日開始，世界改變鳥。事緣係咁，少膽虫知道，班虫仔虫女每日都會喺背後話條虫賤、老屎忽、高壓統治。以往，少膽虫會用自己個「忍樣」忍咗佢，因為佢哋係爛果嘅低能資源——低成本高效益是也。
但係今日，少膽虫發現，低能資源除咗可以利用，仲可以賤用，正如鬍鬚曾話好鍾意睇法國電影，但佢竟然唔知邊個係Gainsbourg；禮義廉主席鍾意睇書，但恐怕佢永遠都唔識欣賞百年孤寂。重要嘅係，佢哋同波波一樣，唔單止生生不息、浩氣長存，仲扶搖直上三千里，有錢勁共做晒兵。所以，新聞道德就留番畀正義傳媒啦，以後，少膽虫唔會再忍，「我個仔」可以係我嘅親戚，虫仔虫女入得嚟，或者只係因為對臭味有興趣，少膽虫都不妨利用呢班傻仔保住虫位。畀人告？就畀個機會佢哋，率先去水飯房體驗一吓咩叫廁所係居所囉。
