設計圖片及對白

政府欲擴建三個堆填區嘅計劃失敗後，北區區議會今日將有議員提動議反對政府擴建打鼓嶺堆填區，有地區人士收到消息，話環境局局長黃錦星會藉此機會落區了解區內需要，聽聞包括屯門、元朗及打鼓嶺嘅受影響居民都諗住齊集北區恭候佢大駕，點知尋日政府突然通知地區人士會改由環保署助理署長出席區議會，到底黃錦星係縮沙定做鴕鳥呢？

設計圖片及對白

其實政府早前提出擴建堆填區建議時，已因為地區嘅激烈爭議而未獲撥款，之後先如夢初醒，發現落區溝通嘅重要性。政務司司長林鄭月娥當時亦話，局方會多落區，了解堆填區對居民影響。黃錦星近日仲答應出席今日嘅區議會會議，令地區以為政府終於肯聽意見喇。

局長應承出席區議會，吸引力梗係大啲，聽講除咗北區，連新界西嘅受影響居民都話會出席。唔知政府係咪收到風會有好多人到場，出席會議嘅官員亦臨場換將。地區人士獲悉後議論紛紛，話唔知係咩原因，有村民就質疑黃局長係咪怕多人，驚被人圍？嗌佢既然要爭取民意，就要勇敢啲、面向群眾喎！

第一手消息請下載on.cc東方互動iPhone/iPad/Android/Windows Phone Apps