政壇：富貴黨怪招疑似助種票
李梓敬（右）建議容許市民選舉當日登記兼投票，美其名幫手推高投票率，實則會唔會推高埋種票率？
前年區議會選舉種票醜聞轟動全港，港府隨即連推多招補鑊。但自由黨就忽然建議容許市民選舉當日即時登記、即時投票，美其名幫手推高投票率，實則會唔會推高埋種票率呢？
李梓敬（右）建議容許市民選舉當日登記兼投票，美其名幫手推高投票率，實則會唔會推高埋種票率？
距離區議會、立法會選舉仲有兩、三年，自由黨尋日公布選民登記制度調查，指逾七成受訪者贊成全年任何時間都可以登記成為選民，近六成人支持選舉當日即時登記成為選民、即時投票。
該黨青年團主席李梓敬話，只要市民登記時提交埋住址證明，就唔擔心有種票問題。李梓敬又建議港府剝奪重犯嘅投票權，咁咪即係跟隨內地奉行「剝奪政治權利」刑罰？其實依家嘅制度都有其一定理由，例如要公布臨時選民登記冊畀市民查詢，就係監察有無人種票，同核實自己個名係咪喺名冊上，唔知呢班年輕人有無了解過至提出建議呢？
