SUN驚奇：防中暑︰着鬆身衫帶備水
對抗炎炎夏日，不少人選擇往海灘暢泳，享受清凉感覺。
夏天戶外活動眾多，市民稍一不慎隨時中暑。有醫生提醒，市民外出時應穿着鬆身衣物，亦應帶備飲料，隨時補充水分；如出現心跳急促、頭暈等中暑徵狀，就必須到陰涼、通風的地方休息，嚴重者更應即時求診。
對抗炎炎夏日，不少人選擇往海灘暢泳，享受清凉感覺。
酷熱天氣下，曾有市民中暑送院治理。（資料圖片）
夏日炎炎，大人小孩也喜歡玩水消暑。（資料圖片）
全身汗勿衝入冷氣間
「如果會長期喺戶外逗留，市民可以準備定把遮，或者戴帽嚟遮太陽，亦應該着較鬆身嘅淺色衣物。」家庭醫生關嘉美謂，市民外出前，宜先喝一杯清水，並帶備充足飲料，以方便隨時補充水分，「另外，千祈唔好見有冷氣嘅地方就衝入去，因為如果成身汗，會好易攝親，應該抹乾啲汗，或者換過件衫，先進入冷氣地方。」
香港醫學會會長謝鴻興則表示，如市民長期逗留於高溫環境，並出現心跳急促、頭暈等情況，則可能已經中暑，「其實中暑就係體內溫度過高，又散唔到熱所致，嚴重嘅可能會頭暈，甚至不省人事。出現中暑嘅徵狀，應該即刻去啲陰涼、通風嘅地方休息，並且飲返啲水。如果情況無改善，就要即刻求醫。」
