城中鏡：王國芳靠指紋創「錢」途
王國芳話，全球首個指紋加密嘅手機殼產品下月面世。
智能手機愈趨普及，保密及防洩成為用家最關心嘅問題。港產公司世達科技尋日宣布推出全球首個以指紋加密嘅手機殼，董事長王國芳仲透露，首批產品下個月就會喺港、台、星、馬、泰國同印尼推出，預計定價五十至七十美元，但暫時只有某幾個Android型號嘅手機適用，蘋果公司未有授權有關技術。
王國芳話，全球首個指紋加密嘅手機殼產品下月面世。
指紋加密嘅手機殼只有手機嘅主人先可以透過掃指紋開鎖，同埋將訊息加密，其他人即使睇到有訊息，都只會見到一堆亂碼！呢個手機殼仲可以開啟指定嘅Apps，例如社交網站等。王又話，佢哋公司六、七年前就開始研究指紋技術，投放約三千萬港元落呢個計劃。
