SUN搞作：SUN官場現形記：波波無人撐
波波出事，淋淨唔撐佢，已經係不爭嘅事實。李衞早前就聽到淋淨同兩個門常開密友傾波波單嘢，大家竟然好啱嘴形，好快就「一致通過」！
主席：上次齋光出事，淋淨你保佢o架喎！今次波波闖禍，你點睇呀？
淋淨：我在乎嘅係事實。今次證據確鑿，我哋幫唔到佢！
鬍鬚：齋光出事嗰次，都係有證有據喎……
淋淨：情況唔一樣！
主席：有幾唔同呢？
淋淨：大丈夫，一人做事一人當，男人推女人出嚟頂，就係「賤男」嘅證據。
主席：咁從男人嘅角度出發，鬍鬚你又點睇？我哋幫唔幫波波好？
鬍鬚：波波者，戇男也。立會發惡，毫無風度，明顯係無睇過法國電影陶冶性情……我諗我同佢傾唔到偈。
淋淨：講咗咁耐，主席你又點睇？
主席：學毛主席話齋，土地是人民的，我睇唔過眼啲人囤積居奇囉。
淋淨：一致通過－－波波自己聽天由命。
