政壇：搞搞政︰絕食冇人理 長毛露腩肉

五十七歲嘅長毛，尋日依然一把長髮去抗議，但在場人士發現佢好似唔同咗啲，原來佢參加「倒梁力量」接力絕食活動，絕食咗七日，咁多日只係靠葡萄糖水吊命，由活動前到依家，差唔多瘦咗成十二磅，輕減咗嘅佢尋日去廉政公署示威時，竟然抽起件衫展示肚皮，證明自己個肚腩消失咗。長毛仲好感慨話：「我絕食咁多日都冇咩人理會，反而瘦咗十幾磅、露少少肉就即刻被記者影相，真係唔知大家想點喎！」

其實，一個議會公眾人物拉高件衫，展示佢嘅腹部，記者唔影先奇怪啦，至於長毛話絕食冇人理會，佢覺得點樣先係理呢？唔通影相就叫理？。