SUN搞作：少膽虫手記：壹地都係污糟嘢
呢排《爛果》嘅銷情真係差上加差，《爛果》一向主打「黃色」圖片，依家撞正個個o靚模都賣寫真，成班宅男仲唔仆倒去爭睇人哋條「事業線」咩？
面對呢個低潮，淫賤黎竟然自己度橋，話要入書展搞簽名會，學文人扮高尚，仲叫埋少膽虫同成班編輯去助威。不過，人哋o靚模玩少布，鬼會搵淫賤黎簽名咩？坐咗成朝都係拍烏蠅，嬲爆爆嘅淫賤黎又嚟搵少膽虫拆掂佢。「腦細，不如以其人之道還治其人之身，佢哋出月事做噱頭，你又學佢哋喇，無紅咪見白囉，學吓《狗噏24》嘅娜姐咁，玩吓雪糕。」少膽虫建議道。
「咁少膽虫你過嚟跪低幫我逗住！」淫賤黎叫道。少膽虫一聽，當堂又嚇一嚇，「腦細，無端端又要逗咩呢？」「梗係逗住滴落嚟啲雪糕喇，唔係仲有咩？即刻同我跪低喇！」淫賤黎一聲咆哮。果然，淫賤黎嘅肥膏並唔係浪得虛名，散發嘅熱力，令到支雲呢嗱甜筒係咁滴，係咁滴，猶如雨下。「腦細，滿晒逗唔住喇！」少膽虫雙手一翻，搞到一地都係。整污糟人哋個場，淫賤黎仲即刻被人趕出去。
《爛果》一向走污糟路線，學人扮高尚，自然會係失敗收場……
