城中鏡：陳維安遊不丹感受快樂
陳維安慶祝結婚周年紀念日時，不忘同經幡合照。（受訪者提供）
立法會秘書長陳維安上月中陪主席曾鈺成出訪英國拜會國會議員後，順便請多一個禮拜假，同太太去不丹旅行過二人世界。陳維安話六月中係同太太結婚二十周年嘅大日子，兩人早喺結婚時相約每五年都要飛去外地慶祝結婚周年，所以即使立會當時仲未休會，佢都要履行承諾。
陳維安慶祝結婚周年紀念日時，不忘同經幡合照。（受訪者提供）
對上兩次慶祝結婚周年，兩公婆都選擇去充滿浪漫情懷嘅法國酒莊飲紅酒，今年陳維安就搞搞新意思，同太太去不丹。不丹素有「喜馬拉雅山下香格里拉」嘅美譽，快樂指數冠絕全球，佢大讚當地人好客友善。不丹宗教氣氛濃厚，佢對掛喺樹上嘅經幡特別感興趣，話不丹人相信如果有風吹起經幡，就等於唸過幡上嘅經文。
