城中鏡：快必為袁彌明入人力
「快必」譚得志為撐袁彌明加入人力。
呢排人民力量人事變動多，除咗Erica袁彌明當選主席外，當年同立法會議員「慢必」陳志全一齊成名嘅「快必」譚得志，兩星期前亦順勢加入人力，睇怕快必同慢必可以再續未了緣，好似當年喺電台咁拍住上。
「快必」譚得志為撐袁彌明加入人力。
其實快必向來支持激進民主派，不時現身唔同活動撐同路人，但就好少講自己係邊一個組織，尋日佢出席政改論壇時着起件搶鏡黃色衫，原來佢兩星期前已入咗人力，仲做埋執行委員。至於點解到最近先肯加入人力，快必就話因為有新主席Erica同新副主席嚴達明嘛，梗係要撐佢哋啦。原來係Erica嘅吸引力。
