城中鏡：戲迷黃進達靠煲碟頂癮
偷閒揀碟
黃進達望住啲新發行嘅外語片貨架，睇到入晒神。
黃進達望住啲新發行嘅外語片貨架，睇到入晒神。
康泰旅行社總經理Jason黃進達經常飛到世界各地實地考察，開發新嘅旅遊路線，又將喺九月同女友拉埋天窗，最近積極籌備婚禮，忙到冇時停。日前一個晚飯時間，見到Jason一支公行經金鐘太古廣場，當時佢步伐好急，似乎有緊要事做。
偷閒揀碟
黃進達望住啲新發行嘅外語片貨架，睇到入晒神。
黃進達手執一本廣東省交通地圖。
修身成婚
兩個月後做新郎的黃進達，為婚禮修身，已略見成果。
當Jason路過影音店時，忽然放慢腳步，原來佢畀店內嘅影碟吸引，忍唔住走進店內來個極速搜尋。佢行勻整間影音店，最後目光停留於最新發行嘅外語片貨架上，不過佢睇極都唔啱心水，最後冇買嘢就離開。
婚禮布置 女友話事
記者上前同佢打招呼，佢話約咗人傾公事，見有少少時間，所以趁機逛吓街。佢話一向鍾意睇電影，可惜工作太忙，好多時想睇嘅電影已經落咗畫，事後惟有買碟返屋企睇補數。佢話自己乜嘢電影都睇，但最主要都係睇西片，至於影片質素就唔係太講究，有得睇已經好開心喎！
跟住又發現Jason手執一本簡體字嘅《廣東省交通地圖集》，問佢係咪又要返內地公幹，怕唔識路所以做定功課？佢笑言，只係用嚟參考吓啫！講到九月嘅婚禮，佢話場地布置交晒畀女友話事，自己就積極修身，已經略有成果嘞。
