城中鏡：陶邦偉抱熊變大細路
陶邦偉同巨熊寶寶擁抱，童真滿面。
為慶祝山頂纜車一百二十五周年生日，Visa同凌霄閣及山頂纜車合作舉辦「Visa Loves The Peak」活動，喺凌霄閣觀景台放置一隻身高七呎嘅大白熊，等遊客一邊抱，一邊欣賞風景，Visa香港及澳門地區總經理陶邦偉（Tom Tobin）先抱為快，笑到鬼咁有童真。
陶邦偉同巨熊寶寶擁抱，童真滿面。
阿Tom係半個香港通，佢話周不時都向同事推介香港嘅好玩處，又經常去山頂行山做運動，仲同記者講解凌霄閣嘅建築理念，話凌霄閣外形好似湯碗，係寓意富貴咁解。真係不得不佩服呢位「本地薑」嘞！
