城中鏡：鐘錶精英中東Look矚目
（受訪者提供）
最近一班鐘錶業高層到瑞士參加鐘錶展期間，應國際名牌邀請到一間中東餐廳食晚飯，主人家為咗搞氣氛，事先向賓客派發一件淺卡其色嘅中東傳統長袍，要求大家着住赴宴。香港鐘錶業總會前主席梁青華、朱繼陶同「玩具大王」蔡志明囝囝蔡加讚好聽話，直接喺酒店笠咗件袍就出街，一行十幾人施施然向餐廳進發，路程足足十分鐘。唔使多講，呢班人梗係成為途人注目焦點啦！蔡加讚仲戴住黑超，兼且豎起拇指，造型十分有趣。
（受訪者提供）
