雙料議員鐵頭仁，被人踢爆佢喺區議會大會出席率低，真係名副其實嘅大懶蟲。李衞自然睇唔過眼，當面質問佢，睇吓佢會有咩解釋喇！

李衞︰你被人踢爆成日偷懶，你仲有咩講？

鐵頭仁︰你咪亂講，我好忙o架！

李衞︰忙住扮忙呀？

鐵頭仁︰梗係唔係，我係忙住為大家發聲！

李衞︰即係四周圍去抽水喇！

鐵頭仁︰我重申我係為市民服務。

李衞︰如果係為市民服務，你喺區議會大會出席率就唔會咁低喇，仲話自己係雙料議員。

鐵頭仁︰你都識講我係雙料議員，咁立法會多會開，咪去唔到區會大會囉！

李衞︰但你喺立會開會出席率都係勁低喎！

鐵頭仁︰@#$%%^^&&*

作者：李衞

第一手消息請下載on.cc東方互動iPhone/iPad/Android/Windows Phone Apps