之前消防根據一條「未能查證」嘅消息就直搗本地傳媒伺服器房，有干預新聞自由之嫌！李衞尋日就消防處禁止員工喺WhatsApp傾公事同錯鑫傾咗幾句，竟然捉到佢自打嘴巴！

李衞：你哋唔畀員工傾偈，係咪侵犯私隱先？

錯鑫︰（大條道理）佢哋只係唔可以講公事啫！

李衞：放咗工就係市民啦！

錯鑫︰（遲疑）er……

李衞：以「市民」身份關心吓燒壞咗嗰部電腦整番好未都唔得？

錯鑫︰（堅持）網絡世界有好多虛構消息！萬一我哋啲資訊流出咗，畀人加鹽加醋，隨時誤導市民！

李衞：借問聲你哋點定義虛構？

錯鑫︰（衝口而出）未能查證嘅消息囉！

李衞：自打嘴巴！你無得唔認自己針對正義傳媒啦！

作者：李衞

第一手消息請下載on.cc東方互動iPhone/iPad/Android/Windows Phone Apps