城中鏡：謝慧儀喜見學生儲錢
謝慧儀話大部分受訪中學生都有審慎儲蓄嘅習慣。
花旗集團今年問咗八千個中學生，百分之四十六點一五認為買樓係累積財富最佳工具，仲勁過外幣，但呢幾年股市表現咁差，得番百分之十四中學生認為係累積財富好工具，仲衰過揸港紙現金。調查指超過六成受訪中學生投資理財，係為咗長遠令財富增值同為未來打算，兩成就為咗賺快錢。
謝慧儀話大部分受訪中學生都有審慎儲蓄嘅習慣。
花旗香港及澳門區行長盧韋柏話好開心，因為中學生年紀輕輕就知道理財好重要，仲要識得根據依家嘅經濟形勢去做投資決定添。而該行環球金融亞洲董事謝慧儀表示，大部分受訪者都有審慎儲蓄習慣。
調查報告仲見到近七成學生話會面對入不敷支嘅問題，當唔夠錢用時，五成五會節衣縮食等出糧，即係等下期零用錢，細細個就感受「長期糧尾」。
