SUN搞作：少膽虫手記：唔好彎低身執嘢……
自從淫賤黎喺個狗噏節目話對潮偉心動之後，《爛果》編輯部嘅男性真係人人自危。少膽虫同肥豪一向爭上位，但喺危急存亡嘅時候，都真係要「拉右打左」，不過淫賤黎點會咁容易放過我哋，日日對我哋兩位「美男子」虎視眈眈……
「少膽虫、肥豪，放工喇喎，一齊去happy hour！」淫賤黎一臉妖媚道。少膽虫同肥豪一聽，當堂淆到打咗個冷震，「腦細，我同肥豪有嘢做，唔得閒……」語畢，少膽虫同肥豪急急向（車立）跑去。但淫賤黎一聲呼叫︰「咦，有人跌咗銀包喎！」好在，少膽虫喺三藩市住過幾年，知道絕對唔可以隨便彎低身執銀包，即刻輕拍肥豪，示意繼續向前走。
但係，淫賤黎太清楚肥豪嘅習性，竟然再叫︰「哦，原來我睇錯，唔係銀包，而係蛋糕！」呢句話對肥豪嚟講，猶如魔咒，佢即刻俯身彎腰，四處張望。「咁想食，就請你食瑞士卷！」淫賤黎手起糕落，一塞，肥豪仰天長嘯，「滿嘴」忌廉。雖然少膽虫好想救佢，但真係有心無力，惟有揮淚別肥豪。
少膽虫見（車立）就在眼前，詎料突然被人一絆，仆倒地上，而眼前人竟然係淫賤黎，「少膽虫，咁急去邊呀？」（車立）門緩緩關上，只留下無限的猜想……
