政壇：克勤訪林村例食豆腐花
陳克勤
立法會嘅直選議員經常要落選區，新界東嘅陳克勤就好熟悉大埔區，就連去到林村許願樹出席活動，都要去「牛記」食番碗豆腐花先至捨得走，肚餓時更加會整多個碎牛治。佢話林村入面每一棵樹都至少有幾百年歷史，想當年遊客喺許願樹拋完寶牒後，都例必去食碗豆腐花，牛記成為一眾街坊吹水打牙骹嘅好地方。
陳克勤
克勤話黃容根當年仲做緊立法會議員時，會邀請大家去三門仔品嘗客家燜豬肉同埋客家梅菜蒸菜心，根哥更加會特別要求廚房用柴火燜豬肉，搞到佢哋食到停唔到口。
