政壇：盧浩宏子女讀冷門學科
盧浩宏（右起）同兒子俊宇、太太Kit及二女偉姍開心相聚。
海外留學生紛紛回港度暑，經營酒樓嘅現代管理（飲食）專業協會主席盧浩宏（Howard）兩個仔女都返咗香港，Howard嘅兒子盧俊宇（Ryan）現正在英國修讀飛機工程二年級，呢科會唔會比較冷門？Ryan話，唔少大型銀行都鍾意請啲飛機工程師做銀行家，鍾意佢哋數口精啲、轉數快啲喎！二女盧偉姍（Vivian）亦喺英國讀緊大學，主修亦是冷門的物料研究，即係拆解一種物質由咩分子組成。
盧浩宏（右起）同兒子俊宇、太太Kit及二女偉姍開心相聚。
Howard育有兩女一子，依家大女已喺公司幫手，早前有傳內地毒米粉流入本港，加上過去接二連三出現毒奶粉及劣質油等問題食品後，唔少市民都好擔心食物安全。Howard話，其公司已經好少向內地食品商取貨，改用品質有保證嘅老字號品牌或大牌子，就算成本倍升，都要保證市民食得安全。
