淫賤黎尋晚個狗噏節目首播之後，喺淫黎房間入面，傳出一道又一道嘅拍掌聲，嚇親少膽虫。

呢個節目，條虫無參與過，竟然大收旺場、仲要掌聲如雷？少膽虫喺《爛果》咁多年，所有能夠一石捲起千重浪嘅蕩新聞，無一不出自少膽虫之手！條虫就係唔信，無自己參與嘅工作會轟動！

抱住呢個疑問，少膽虫輕敲淫黎房門，一開門竟然淨係見到孤單嘅淫黎對住個MON，手拍鍵盤，不特止，隨住淫黎肚腩嘅起伏，錯落有致嘅打字聲亦都從佢手掌傳出……究竟啲拍掌聲由邊度嚟？淫黎又點解成個「鍵盤戰士」咁樣呢？

少膽虫未問，淫黎就開口，「泰國女神『Happy Polla』出一張瞇眼相都三萬個like，我同佢都有幾分相似吖，你睇，我一upload自己張大頭照，即刻傳來哄堂嘅拍掌聲……」

少膽虫一望，見到淫黎喺社交網站不斷開account上傳自己嘅「大作」，然後再不斷按f5重播拍掌聲……條虫真係痛心疾首，因為又夠鐘幫腦細call白車喇！

第一手消息請下載on.cc東方互動iPhone/iPad/Android/Windows Phone Apps