SUN搞作：Sun官場現形記：同禮義廉談情
鑑於最近禮義廉講嘅廢話愈嚟愈多，今日李衞就特登趁「主席」發表偉論嗰陣，同佢做咗個埋身擊，宣洩一下民憤，各位讀者請細心欣賞！
禮義廉主席：（義正辭嚴狀）我哋投贊成票唔等於贊成。
李衞：咁難道你同你老婆結婚，又唔等於愛佢？
禮義廉主席：（辯論狀）你唔可以偷換概念……
李衞：呢招你哋最在行啦！你哋有關顧過屯門居民嘅感受咩？
禮義廉主席：（演講狀）我哋當然好關顧居民感受。我哋仲派咗三朵金花出嚟每月同市民談情添。
李衞：談咩情？
禮義廉主席：（演講狀）社交上、家庭上，甚至係感情上嘅問題都可以傾……市民可以喺fb留言問三位金花o架。
李衞：我有個感情上嘅問題想代表市民問你，到底你哋幾時先會有禮義廉恥？
