城中鏡：謝佩蘭提神指定特飲
謝佩蘭
本港保險業或掀新一輪龍爭虎鬥！雖然市傳有保險公司話明要喺未來三至五年內打入前三甲，但亦無阻行業龍頭友邦尋日正式發布數百萬美元嘅宣傳攻勢，以「真生活 真夥伴」做口號，未來策略會以保障性產品為主。
謝佩蘭
友邦香港及澳門市場及業務策略總經理Bonnie謝佩蘭話，為咗呢次宣傳，公司擺咗好多心機落去，期間佢真係忙到不得了，佢總結心得後仲話自己好鍾意飲健怡可樂，因為有助提神，最緊要飲咗又唔怕肥喎！而友邦香港及澳門首席執行官Jacky陳榮聲就話有競爭反而係好事，有助提升服務同產品質素。
