城中鏡：莊家彬 鄧鳳賢 交「樓」心得
攞電話
臨別前二人交換電話，然後握手道別。
臨別前二人交換電話，然後握手道別。
前日下晝三點鐘，見到莊士集團太子爺Albert莊家彬一支公現身ifc商場，行行吓突然見到恒基地產營業部副總經理Anita鄧鳳賢迎面而來，即趨前打招呼。Anita狀甚驚喜，兩人就好似久別重逢嘅好朋友咁，仲熱論政府推出嘅樓市辣招。佢哋傾咗陣就握手道別，臨走前Albert仲問對方攞聯絡電話。Anita之後再行到一間化妝品店，揀咗支潤唇膏後，試都唔使試就畀錢，仲即買即用邊行邊搽。
攞電話
臨別前二人交換電話，然後握手道別。
談「辣」
莊家彬（右）巧遇鄧鳳賢（左），兩人即熱論樓市辣招嘅影響。
潤唇
鄧鳳賢極速買咗支潤唇膏，邊行邊搽。
後來致電Albert，佢話同Anita相識，不過一段時間冇見，所以問對方有冇改電話。問佢哋傾啲乜？Albert就話係互相問吓近況，同埋交換工作上嘅意見。佢話自從政府新修訂《一手住宅物業銷售條例》後，佢公司印製嘅售樓書，幾次都被政府打回頭，要延遲一個月先可以推出，佢話同Anita傾開，都覺得有關條例好棘手。
但佢補充話，條例對消費者嚟講係好事，可提升樓宇銷售透明度，況且每條新法例實施時定會遇到難題，依家政府同地產商需要時間磨合，相信情況遲啲會好轉。
