呢幾日，淫賤黎不時以手按頭，心事重重，少膽虫即刻上前寒暄問暖︰「老細，又頭痛？我有針喺身，使唔使……」淫賤黎聽完，好似更加苦惱，「少膽虫，本來政府話要擴建將軍澳堆填區，《爛果》可以借題發揮抽水，點知政府會縮沙……你話點算。」的確，如果唔係政府縮沙，《爛果》都唔使再作咩「政改提早諮詢」嘅新聞，跟手仲要被人怒插。

呢個時候，少膽虫都無晒計，隨口講句︰「老細，呢排興咩佔中、過氣議員霸車位，不如我哋反客為主，去佔領堆填區，掉番轉頭鬧政府唔擴建堆填區，任由香港塞爆垃圾！」少膽虫本以為「狗噏」完，淫賤黎聽過就算，點知佢反而雙眼發光，「少膽虫，真係好橋，肯定再無人話我哋老作。唔好講咁多，即刻叫晒壹全霉所有人去『佔堆』！」

就係少膽虫一句「狗噏」，壹全霉所有人去晒「佔堆」，場面之盛大，真係好比七一。正當大家熱血填膺之際，上方突然烏雲蓋頂，垃圾傾倒如注，一瞬間少膽虫聽到剷車司機講咗句︰「點解今日個堆填區好似比平時多咗垃圾嘅？」

第一手消息請下載on.cc東方互動iPhone/iPad/Android/Windows Phone Apps