SUN搞作：Sun官場現形記：傾好「爭取」
一班屯門居民群情洶湧，反對政府喺屯門嘅堆填區計劃。李衞尋日見到星仔，梗係捉住佢要佢回應啦，點知畀李衞踢爆咗佢嘅真正身份！
李衞：你驚咗將軍澳哪吒，就將個填堆去屯門，好無責任感喎！
星仔：決定之前，我哋已經諮詢咗好多專家嘅意見……
李衞：少嚟官腔啦！人哋一惡啲你就踢個波去屯門，有無諗過屯門居民嘅感受？
星仔：一嚟將軍澳啲垃圾太多，二嚟……
李衞：呢樣你啱，淨係一舊爛果，已經臭遍全區喇！二嚟係咩？
星仔：二嚟我哋同好多方面傾過，係成功爭取到大家嘅支持o架。
李衞：咩話？「成功爭取」？即係你哋同某啲議員私下傾掂數呀？
星仔：你唔好誤會我意思。議員係代表市民嘅，議員投贊成票，咪即係市民都支持囉！
李衞：嘩，原來你都係一個禮義廉嚟喎！
