城中鏡：姚明做「獅兄」全場鼓掌
高人一等嘅姚明（中），正式加入做「獅兄」。（受訪者提供）
NBA明星姚明被喻為中國最有影響力人物之一，兩年前退役後，至今一舉一動仍然引人注目。近日，姚明加入咗全球最大嘅非政府組織（NGO）國際獅子會，當佢喺二萬五千名國際獅子會會員見證下，戴上會員胸章、正式成為獅兄獅弟時，全場掌聲雷動，「姚明獅兄」之歡呼聲此起彼落，彷彿重拾昔日球迷歡呼打氣嘅震撼場面。
高人一等嘅姚明（中），正式加入做「獅兄」。（受訪者提供）
簽名籃球致送大會
第九十六屆國際獅子年會近日喺德國漢堡舉行，共有來自二百幾個國家、二萬五千多位會員參加。當地時間七月八日星期一，喺全球首位華人國際會長譚榮根嘅推薦下，姚明正式加入獅子會成為榮譽會員。
譚榮根為姚明戴上胸章，又互相送贈紀念品，姚明獲贈獅子會紀念牌，咁大家估吓佢回送咩禮物？冇錯，就係有錢都買唔到嘅親筆簽名籃球喇！
基地喺香港嘅獅子會中國港澳303區，喺今次國際年會之中，可謂大豐收，前總監文錦歡當選首位女性華人國際理事，更獲「最佳賑濟飢餓服務獎」以及「最傑出青年服務獎」。
