鄭詩韻為咗抽時間陪兒子,飛北京出差都經常即日來回。

事業與家庭兼顧,係職業女性最想做到嘅目標。不過,好多人都話唔係咁容易,名媛鄭詩韻(Michelle)就因為經常出差,搞到有啲遺憾,佢前晚出席一個活動時,就透露近日工作忙到不可開交,為咗有多啲時間陪兒子,佢就好無奈咁話:「我已經盡量day trip,就算去北京都即日來回,希望抽多啲時間陪小朋友。」

鄭詩韻為咗抽時間陪兒子,飛北京出差都經常即日來回。

即使係咁,佢都只可以喺星期六、日先有時間接送兒子,連佢自己都話:「老公(陳鴻業)勤力過我,佢會抽時間接個仔返學或者學游水。」好彩暑假將至,小朋友唔使返學,佢哋親子都容易啲,稍後仲計劃一家人去新加坡旅行添。

第一手消息請下載on.cc東方互動iPhone/iPad/Android/Windows Phone Apps