陳淨心與一眾愛港力成員到中聯辦請願,但冇人接信,結果淚灑當場。

美國中情局前特工斯諾登來港爆料指美國政府曾經入侵監控香港電腦,甚至入侵埋大學機構嘅電腦網絡,事件至今似乎不了了之。愛護香港力量(愛港力)尋日先後到美國駐港領事館、中聯辦同政府總部請願,點知只得美方同港府肯派人接信,中聯辦就冇人接信,連高舉愛國愛港旗幟嘅愛港力都要硬食「檸檬」,結果搞到召集人陳淨心無晒面,一度淚灑當場。

陳淨心與一眾愛港力成員到中聯辦請願,但冇人接信,結果淚灑當場。

愛港力每次出動,都會高舉五星旗同區旗,制服又以龍做圖案,次次都大鬧長毛同泛民主派,形象夠晒愛國,相信無人諗到佢哋去到中聯辦門口會冇人理。就算陳淨心同其他愛港力成員狂揮五星旗,但依然冇人出嚟接信,現場只得兩個警察企喺門口,仲有鐵欄攔住佢哋,難怪陳淨心傷心到流淚,最後惟有將請願信掛喺鐵欄算數。唔知呢啲係咪叫「我本將心向明月,奈何明月照溝渠」呢?

第一手消息請下載on.cc東方互動iPhone/iPad/Android/Windows Phone Apps