透視鏡：勞氣！！網售假貨海關懶理

【投訴組報道】網購成風，交易糾紛亦隨之激增，買平貨分分鐘變假貨。近日有市民透過拍賣網，購得聲稱為法國知名品牌的化妝品，收貨後始發現貨品品質粗劣，疑屬假貨；亦有市民懷疑團購網站以內地平價行李箱，冒充日本高價品牌。由去年至今年五月，海關共接獲約六百宗網上售賣貨品舉報，僅七十五宗成功檢控。立法會議員批評當局執法不力，儼如「放生」不法之徒，要求檢討。

「個賣家話係法國帶返嚟嘅水貨，唔單止個絨袋甩毛，粉餅仲好臭，好驚用爛面！」阮小姐在網上以二百五十元，購得一盒聲稱是法國知名品牌的粉餅。但實物質量奇差，疑為假貨，遂即時向海關舉報，未料對方只着其以電郵傳送資料，「等咗好耐都冇回音，究竟海關有冇做嘢o架？」

記者發現有關品牌專櫃亦有出售同樣名稱的粉餅，但包裝有異。反而在內地購物網，則有與阮所購粉餅一式一樣的粉餅出售，標價僅十二元人民幣。

有關品牌拒絕回應事件，但記者以顧客身份，向品牌專櫃查詢時，職員則直言：「唔信係真（貨）。」更即時取出同名正貨比較，輕易找出逾十個不同之處，「個名同生產批號一樣，但件貨就完全唔同樣？就算真係喺法國買都唔會咁！」

未收資料竟答「查緊」

本報向海關查詢，發言人甫開腔，即表明毋須記者提供資料，聲稱會翻查記錄才回覆投訴人。經記者再三質疑後則改口，稱查無記錄，要求提供資料，卻又表示：「未必會話結果畀投訴人同你哋（本報）知。」數日後，阮小姐向記者表示，海關職員要求再次電郵個案資料。未料記者未及掛線，已接獲海關發言人來電，對方稱已取得資料，準備以「海關正在跟進事件」作覆。

「三分鐘唔夠，我仲未畀資料就已經答你哋（本報）查緊，點會咁兒戲？」阮小姐得悉海關的「跟進過程」後大表憤怒，直指有關貨品仍於網上有售，認為海關縱容犯法。

立法會議員麥美娟批評海關執法不力，要求積極跟進事件，適時公開調查結果，挽回市民信心，「未收到電郵就話收到、又唔覆投訴人，有冇做嘢都冇人知，好難怪市民覺得佢哋冇心查！」麥提醒市民，網購前需留意各樣細節，以免得不償失。