城中鏡：肥亨避塞車 搭港鐵過海
肥亨係兩鐵合併主將之一，對港鐵好有感情。
多年前因病退出官場嘅「肥亨」馬時亨，一直過着退而不休嘅生活，上星期四仲公布佢獲委為港鐵董事局非執董。早前下午，我哋撞見肥亨同朋友現身尖沙咀半島酒店，佢哋行到港鐵站後，肥亨就同朋友道別搭港鐵過海。
肥亨係兩鐵合併主將之一，對港鐵好有感情。
肥亨同大多數乘客一樣，全程係咁篤佢手上嘅平板電腦，話咁快到咗金鐘，佢施施然出閘。咁啱得咁蹺，佢喺扶手電梯口撞見立法會議員梁君彥，兩人仲寒暄一番。記者上前同肥亨打招呼，佢笑笑口話有時喺九龍出席完活動，為避免塞車，多數會選擇搭港鐵過海。肥亨做官時，係地鐵同九鐵合併嘅主將之一，怪唔得佢話對港鐵好有感情。
