城中鏡：葉劉為出鏡 少講英文
葉劉（左）話有時會「度」定啲sound bite以備不時之需。
行政會議成員兼立法會議員葉劉淑儀尋日出席青協活動，同一班中學生分享英語學習之道。葉劉慨嘆依家愈嚟愈少機會講英文，就算連立會開會都係以中文為主，原因並唔係啲議員唔識講或唔鍾意講英文，而係因為用英文講嘢，傳媒要播出sound bite（精警發言）較困難。
葉劉（左）話有時會「度」定啲sound bite以備不時之需。
葉劉話從政人士發表偉論時通常都會整番一至兩個sound bite，例如英國前首相邱吉爾發表演說時經常夾雜大量sound bite，佢有時都會「度」定啲sound bite以備不時之需，但佢話市民通常對英文sound bite無乜特別感覺，所以都係以中文為主。
佢又話精警發言未必次次收效，相信佢講緊嘅一定就係自己十年前出任保安局局長，向市民推銷《基本法》廿三條時講過「葉局長無呃你，放長雙眼睇啦」嘅一句經典sound bite。
