「我啲胸肌大過謙謙o架……」、「見大家咁夾，成成想搵黎黎影輯相」……

最近，少膽虫返工嗰陣，成日接到啲不明所以嘅來電，令到條虫內心好忐忑。為咗狙擊正義傳媒，條虫早前度咗條絕世好橋，就係推淫黎出去同漢奸一齊行「大長征」，兼且一路行一路背「豪語錄」–呢招果然奏效。不費吹灰之力，好多又pure又true嘅市民就自願幫我哋做咗場大龍鳳。淫黎贏咗呢鋪，喜上眉梢，爆咗句：「我哋唔再係全霉喇！可以翻身喇！」

繼呢一爆後，淫黎充滿自信，每日喺全霉大樓入面，佢好似穌哥上身咁，不斷用豪語錄布道，例如「爛果係全地球最有公信力嘅報紙！」、「《喪報》人工再加1%、美術部唔再裁員！」，甚至乎尋晚，佢講咗句「我望到偉仔，會心跳」。

少膽虫覺得心灰意冷。並唔係因為淫黎用完條虫嘅橋無畀bonus、並唔係因為全年凍薪、並唔係因為壹全霉隔籬個堆填區愈嚟愈臭……係因為，係因為條虫付出一片真心，有人一朝得志，就貪新忘舊，走出去拈花惹草，新歡仲要得戚到打電話嚟示威！少膽虫嬲得滯，想唔撈喇！