淫賤黎早前拋出豪語，話要坐監坐到有普選，少膽虫覺得好有遠見。何解？學啲賭仔話齋，佢哋比乞兒仲慘，因為乞兒身家係零，但係賭仔身家隨時係負數。放諸壹全霉，情況唔係同賭仔一樣咩？淫賤黎次次燒銀紙，賭咁大，如果佢坐監，咪當戒賭囉，仲有工錢攞番添，仲好過做乞兒。呢鑊真係壹全霉翻身在此一舉呀！佩服佩服！

正當少膽虫自以為好明白腦細心意，特登用個頭版新聞擦佢鞋，直頭當正係曼德拉咁捧，點知呢幾日，少膽虫先至更深入明白淫賤黎嘅洞察力，根本係上帝派落嚟嘅先知，唔係少膽虫呢啲凡夫俗子可以企及！唔好當少膽虫吹水，你哋依家見到啦，「振山漢子」之首、風水大師、鑽洞專家終於入冊，若然有淫賤黎作伴，難保唔會雙宿雙棲，乾柴烈火，喺絕處徒手通開一條新財路。咁搞法，幾乎叫人唔想香港有普選！呢鑊真係壹全霉翻身，在此一舉呀！高明高明！

第一手消息請下載on.cc東方互動iPhone/iPad/Android/Windows Phone Apps