嚴選餃子

利希慎家族後人、馬會大董Michael利子厚自從喺舊年年中迎娶外蒙古籍女友Munkhzul Odkhuu後，一下子由「鑽石王老五」變身「愛妻號」，每逢出席公開場合都有影皆雙，恩愛程度爆燈。繼日前我哋見佢喺中環ifc一間超市選購燒烤食材，招呼遠道而來嘅舅仔，早幾日又見佢現身同一間超市購物，話要買食材畀愛妻做早餐喎，真係sweet到暈。

嚴選餃子

親自搜購

睇清標籤

七一公眾假期晚上七點半見到Michael單拖現身超市，佢推住架購物車四圍行，先選購肉腸、餃子等急凍食材，又揀咗有機雞蛋、冰鮮魚，仲有新鮮蔬菜。佢揀食物毫不草率，每件拎起認真閱讀營養標籤，睇嚟好注重健康。大約十分鐘後，就推住一大籃食物到收銀處付款，滿載而歸。

監完場速到超市

上前同佢打招呼，佢話當日賽馬會舉行日賽，佢負責做監場，之後揸車返屋企，順便到超市買啲食材，畀太太第二日做早餐。佢曾經講過太太最愛食餃子，難怪佢一口氣買咗兩、三包。而最重要嘅，係佢話自己好少食早餐，所買嘅食物全為太太而設喎！相信全世界女士聽到，都會冧到爆。

今個馬季即將完結，問佢暑假會去邊度玩？佢話仲未諗好，但肯定唔會去蒙古喇，世界咁大，會計劃去從未到過嘅地方。咁又係，佢兩夫婦唔去蒙古啫，都可以請晒親家嚟香港玩，仲可以請佢哋入馬場添！

第一手消息請下載on.cc東方互動iPhone/iPad/Android/Windows Phone Apps