政壇：郭少明偕妻濕身拉頭馬
郭少明（右）兩公婆雨中贏馬，郭太小鳥依人咁挽實老公，認真浪漫！
尋日沙田馬場舉行煞科日賽，唔少名人把握機會入場攞番個尾彩。莎莎國際主席Simon郭少明就得償所願，名下愛駒「美麗里程」以四十二倍賠率，爆冷由頭帶到落尾勝出，穩袋五十四萬多元獎金。
郭少明（右）兩公婆雨中贏馬，郭太小鳥依人咁挽實老公，認真浪漫！
立法會前議員張文光（中）與馬會大董相約食晏，衣着卻唔合乎馬會要求。
其時適逢滂沱大雨，Simon同愛妻郭羅桂珍冒雨拉頭馬，擔住遮都全身濕晒，狼狽到極，依然笑到四萬咁口。
其實Simon早兩場已拉過頭馬，但跑出嘅係老友「快勞夾大王」杜振源細佬William杜振安嘅愛駒「飲食之星」。William好雀躍咁話已兩、三年冇拉過頭馬，終於食胡，仲係出賽以來首度奪冠。佢仲話會將獎金交畀哥哥，捐畀慈善團體「小母牛」做善事。
