利用同情心遭網民鬧爆
【本報訊】求救片玩謝網民，罵聲不絕，女主角更成眾矢之的。有網民直斥：「若果真係電影宣傳，Marketing（市場銷售）手法很有問題！而且玩『狼來了』，下一次真係出咗事就無人再相信，本人絕對會杯葛這套電影」。
另有網民責難女主角：「將人哋同情心拎嚟做宣傳，日後如有同類真實嘅求助影片，啲人好可能會因為你呢次事件搞到有疑心唔敢報警，影響真係好深。」有網民質問她：「利用人嘅同情心宣傳，有冇道德o架你。」另一名網民更鬧爆：「你覺得利用香港人嘅良心來幫助你宣傳好好玩咩？你知唔知你地搞到幾多人瞓唔着？」
執業大律師陸偉雄指出，影片並無造成公眾恐慌，熱心市民報案主要出於關心女事主的安全，因此無論女主角及上載影片的人，均毋須負上任何刑責。
陸偉雄又指事件屬小事一宗，最大錯誤是上載影片的人士忘記標註是電影宣傳片，警方最多向女主角及上載影片者警告了事。
