【本報訊】清潔女工昨晨到荃灣一間茶餐廳打掃,借用廚房扒爐煲湯,疑忘記「睇火」致煲乾水引起火警。消防員趕抵救熄,廚房熏黑。店東返店怒責女工:「你係咪想燒咗我間舖!」現場為大涌道一間茶餐廳,逢周日休息,聘請姓戴(約五十歲)鐘點女工到店清潔。昨晨八時許,戴婦在餐廳清潔時,打算邊打掃邊煲湯,她將水煲放在扒爐上煲水,擬待水滾後才放湯料。豈料她忘記「睇火」,水煲被燒至穿窿,爐頭起火,並燒着油煙槽致搶火,戴婦報警。消防員到場,迅將火救熄,廚房嚴重熏黑,戴婦無被燒傷,卻被店東「炒魷」。

第一手消息請下載on.cc東方互動iPhone/iPad/Android/Windows Phone Apps