政壇：搞搞政：貪湯女友陳詠梅封口
設計圖片及對白
「貪湯」前廉政專員湯顯明任內被揭濫用公帑買酒、送禮「擦內地鞋」，又曾多次帶同女友、入境處前助理處長陳詠梅（Helen）出席由公帑埋單嘅廉政公署飯局。男友畀全城圍攻，Helen會唔會變「苦瓜乾」﹖尋日Helen亮相一個活動，只見佢繼續風騷、有講有笑，問到貪湯，佢就搖身一變錄音機，話只講同活動相關嘅事，絕口不提貪湯！
設計圖片及對白
變咗「人肉錄音機」
「開心企業」標誌頒獎禮活動尋日舉行，久未露面嘅Helen應邀出席做嘉賓，當問及有無同貪湯聯絡時，Helen未有正面回應，強調只會講同活動主題有關嘅事。之後再問到貪湯，佢亦好似「人肉錄音機」上身，重複之前同一番說話。
不過，尋日都發生一個小插曲，話說出席活動時，一個男嘉賓即將離開，Helen同兩個男嘉賓合照，佢本來想企喺側邊，但該名男嘉賓則極力要求Helen企喺中間，此時Helen衝口而出話，咁樣就會拚成一個「嬲」字喎。
