城中鏡：慈母張燊悅畀空間兩女

教育局前政治助理楊哲安同太太張燊悅育有兩個囡囡，張燊悅尋日出席一個活動時話自己從來唔會強迫小朋友學習課外活動，佢會按小朋友嘅喜好畀佢哋選擇，依家一個囡囡學芭蕾舞，另一個就學畫畫，一星期一次，非常輕鬆。佢話近日小朋友睇見同學會拉小提琴，先向佢主動要求學習音樂。咁擔唔擔心小朋友會較為蝕底？佢就話：「初時都有少少，但人生係長途馬拉松，唔覺得一開頭就係終點，其實可以臨最後衝線，唔想小朋友一開始學太多嘢，唔想佢哋太出眾，等佢哋成熟啲先。」佢更認為小朋友亦需要有自己嘅空間，應該畀佢哋自由發揮。