城中鏡：梁陳智明喜獲蕭公子撐
梁陳智明獲節目總監送贈一隻得意啤啤熊。
咪以為港鐵公司前事務總經理Miranda梁陳智明退休後好清閒，愈嚟愈多公職之外，上月佢仲應邀到電台開咪，廣邀名人好友分享點樣過人生嘅下半場，前高官蕭炯柱亦現身做嘉賓，大談佢以音樂向天水圍孩童送暖嘅感受。
梁陳智明獲節目總監送贈一隻得意啤啤熊。
Miranda話同蕭公子相識多年，今次蕭公子應承喺咪前開講，機會好難得，事關蕭公子退休後一直謝絕傳媒訪問，佢盛讚蕭公子依然風度翩翩。佢又話自己好鍾意唱粵曲，但幾年前地鐵同東鐵合併成為港鐵一役，佢因要經常同傳媒交代進展，講得太多，結果傷咗聲帶，醫生話若想唱番粵曲，除非唔講嘢。佢笑笑口話自己咁鍾意講嘢，點可能呢？
