城中鏡：老蘭神秘飯局曝光財爺密會商賈
主家送客
張華峰（左一）及妻子（右一）、李國寶（右二）和財爺（左二）步出蘭桂坊酒店時，獲林健鋒（中）送客。
張華峰（左一）及妻子（右一）、李國寶（右二）和財爺（左二）步出蘭桂坊酒店時，獲林健鋒（中）送客。
眾所周知，中環九如坊一帶出名多美食，尋晚喺蘭桂坊酒店門口發現立法會金融服務界議員張華峰伉儷，原來佢哋去酒店入面間「名人坊」食飯。我哋開頭以為係佢兩公婆撐枱腳，點知陸續有人到達，包括財爺鬍鬚曾夫婦，之後就到行會成員Jeffrey林健鋒夫婦、旅發局主席「肥仔岳」林建岳、東亞銀行主席李國寶夫婦、財經事務及庫務局前局長肥亨馬時亨夫婦、滙豐銀行亞太區行政總裁王冬勝夫婦前後腳進入酒家，同行仲有一班政商界人士。
主家送客
張華峰（左一）及妻子（右一）、李國寶（右二）和財爺（左二）步出蘭桂坊酒店時，獲林健鋒（中）送客。
相繼離場
馬時亨太太王培琪（右起）、王冬勝太太吳金薇同林建岳不久後相繼離場。
四萬咁口
林健鋒（左）最後送埋馬時亨（右）同王冬勝（後）離開酒店，三人都笑到四萬咁口。
其實，喺眾人到場之前，門外已見到有人運送一箱二箱紅酒同酒杯到場。咁隆重，呢個官商界神秘飯局，究竟所為何事呢？莫非共商大計？
呢班人個個活躍於商界，尋晚突然搞飯局一聚，似乎唔係咁簡單，加上財爺鬍鬚曾現身，更加耐人尋味。據講呢餐飯係Jeffrey請客，有傳佢早前中咗六合彩頭獎，所以先請班老友記食飯。不過，飲到面紅紅嘅Jeffrey離開酒家時，記者就追問佢究竟係中咗幾多錢彩金，佢話：「無咩話中唔中，普通食餐飯之嘛！」不過如果睇真啲會發現，飯局上個個都「唐營」味甚重，難道Jeffrey唔怕被人話佢「身在梁營、心在唐營」？
