SUN搞作：SUN官場現形記：爭住做「食評家」
設計圖片及對白
李衞見大陸毒食品殺到入港，專程邀請咗兩位對衞生、食物健康都「相當有研究」嘅前任同現任政府高官「出席晚宴」，席間展出咗用大陸毒物製造嘅美食，睇吓兩位分唔分得出，結果李衞都係要畫公仔畫出腸……
設計圖片及對白
周一鑊：（讚嘆狀）呢碟粉炒得幾靚喎！每條都晶瑩剔透，一望就知有彈性啦。
永 紋：（表揚狀）炒咩吖炒，計我話，呢碗湯米仲正，聞落去湯底甘香，四字記之曰：實而不華！
周一鑊：（不屑狀）我除咗評機，評食都有啲心得㗎，呢道燜米粉，用泡芙入饌，將不可能變成可能。你睇，菜式選材特別，肯定可以入選米之蓮星級名菜……我話嘅！
永 紋：（寸嘴狀）一鑊你翻閹咗之後，講嘢咁「懶平等」、「懶有心得」呀？我就唔鍾意燜啦，你睇呢味炸米粉，皮脆金黃，炸完之後灑幾滴西瓜汁上去，清新得嚟不失健康，呢味菜我最欣賞呀！
周一鑊：（驚喜狀）食嘢又點可以無嘢飲嘅呢？呢杯82年茅台呀！聞起嚟，餘韻繾綣，猶如置身天際……係呢隻酒先可以夾到今晚嘅名菜！
永 紋：（爭講嘢狀）哈哈，你先係有眼不識泰山，呢道豆腐溝涼粉，黑黑實實，不失為豐富晚宴嘅一個Good Dessert。
李 衞：其實今晚展出嘅都係內地著名有毒食品，為咗畀公眾認識多啲毒食品嘅害處，先邀請兩位嚟嘅，既然你哋咁「欣賞」，不如試吓味？
周一鑊&永紋：（拔足而逃）$^jhkyuoguio&*!
