政壇：政府更換手機棄美選韓
據聞最近政府因應舊一批手機使用多時，又計劃換一批新手機，而且有意「棄美選韓」，即放棄用美國手機，改用韓國品牌嘅手機，即係由OS系統轉用Android系統。
有政府中人話，其實換手機品牌未必有乜特別原因，因政府每隔一段時間，當局都會入一批手機，供有需要同事更換，所以一切都係按規矩同程序辦事喎！
但亦有政府中人話，換手機品牌事小，選用唔同系統嘅手機先至煩，事關要將舊手機嘅機密資料過落新手機要好小心先得，否則外洩資料就弊喇；加上美國中情局「走佬特工」斯諾登早前大爆美國監控風波，最重要係網絡安全同資料加密方面萬無一失喎！
