違泊
車牌AM13嘅政府座駕，公然停泊於雙黃線馬路，司機企埋一邊等車主。

尋日下晝兩點十五分，當時正值交通繁忙時間，一架車牌號碼「AM13」嘅政府座駕，停泊喺中環皇后大道中萬年大廈對開嘅馬路，車上司機似乎正在等緊人。但等了又等，都仲係影都冇。及至兩點三十五分，司機疑似收到車主「柯打」，遂將座駕駛至距離約四百呎以外嘅砵甸乍街。

違泊
車牌AM13嘅政府座駕，公然停泊於雙黃線馬路，司機企埋一邊等車主。

急步
譚贛蘭行色匆匆咁現身並衝上座駕，似乎怕畀人發現。

鬆人
司機為譚贛蘭打開車門，她登車後極速鬆人。

着斗零踭暴走中環

當時街道兩旁已泊滿車，司機見冇位泊車又唔敢離開上址，惟有硬住頭皮將座駕停泊喺雙黃線禁區，繼續企喺座駕旁邊靜候指示。又過咗十幾分鐘，一如以往束短髮、打扮斯文嘅勞工及福利局常任秘書長譚贛蘭終於出現，佢着住白色長袖西裝同百褶裙，手挽住件黑色披肩，但當時天氣咁熱，有冇需要帶披肩呢？

司機一見到譚贛蘭，立即為佢打開車門，而譚贛蘭似乎怕畀人發現，不顧着住對兩吋高斗零踭高跟鞋會跌親嘅風險，三步併兩步登上座駕，司機隨即急急關門絕塵而去。究竟佢有乜嘢重要事做，搞到咁晏先離開呢？而佢公然將政府座駕泊喺禁區，唔通以為大家睇唔到？

第一手消息請下載on.cc東方互動iPhone/iPad/Android/Windows Phone Apps